58.845 Jobs

D'Fondatioun Lëtzebuerger Kannerduerf sicht engagéiert Fachleit, déi Kanner a Jugendlecher wäertschätzend, ressourcenorientéiert an empathesch begleeden.

Dir wëllt Iech am soziale Beräich asetzen, Verantwortung iwwerhuelen an e reelle Bäitrag fir d'Zukunft vu Jugendlechen leeschten? Da kommt an eng Equipe, déi Vertrauen, Engagement a géigesäitege Respekt lieft.

Fir eis Wunngrupp Maison CALES, déi weiblech Jugendlecher tëscht 12 an 18 Joer, an engem Wunnquartier an der Staat Lëtzebuerg begleet, baue mir eng nei Equipe op.

Dës Funktioun bitt Iech d'Méiglechkeet, Är fachlech a perséinlech Kompetenzen aktive anzebréngen, Verantwortung ze iwwerhuelen an zesumme mat engem motivéierten Team d'Jugendlech op hirem Wee ze méi Autonomie an enger positiver Entwécklung ze begleeden.

Gläichzäiteg leet d'Fondatioun vill Wäert op d'Weiderentwécklung vun hire Mataarbechter. Duerch reegelméisseg Formatiounen, Supervisiounen a fachlechen Austausch kritt Dir d'Méiglechkeet, Är Kompetenzen auszebauen an an Ärer professioneller Roll ze wuessen.

Är Aufgaben :

• Matwierken um Opbau an der Weiderentwécklung vun der Wunngrupp

• Schafe vun engem strukturéierten, sécheren a pedagogesch begrënnte Kader am Team

• Referenzerzéier/in vun enger oder zwou Jugendlechen

• Ëmsetzung vun enger qualitativ héichwäerteger pedagogescher Begleedung

• Deeglechen Encadrement vun de Jugendlechen

• Aktiv Participatioun un Teamreuniounen, Supervisiounen a Formatiounen

• Ënnerstëtzung vun der Autonomie an der perséinlecher Entwécklung vun de Jugendlechen

Wat eis ënnerscheet

Mir investéieren an Är Entwécklung

• Reegelméisseg Formatiounen (Bindung, Trauma, Kanner- a Jugendschutz, SOP, ...)

• Praxisaustausch an Deele vu Fachwëssen

• Kontinuéierlecht Léieren a professionellt Wuesstem

• Aktiv Ënnerstëtzung vun Ärer fachlecher a perséinlecher Entwécklung

Eng Organisatioun an dauerhafter Weiderentwécklung

• Strukturéiert Qualitéitsmanagement

• Kultur vun der Reflexioun an der kontinuéierlecher Verbesserung

• Weiderentwécklung vu pädagogesche Konzepter a Methoden

E professionellen a strukturéierte Kader

• Zesummenaarbecht an engem engagéierten Team

• Reegelméisseg Supervisiounen

• Interdisziplinären Austausch mat verschiddene Fachberäicher

• Kloer Strukturen a professionell Begleedung

Eng Missioun mat Wierkung

• Begleedung vu Jugendlechen a komplexe Liewenssituatiounen

• Ënnerstëtzung vun hirer Entwécklung an Autonomie

• E konkrete Bäitrag zu hire Zukunftsperspektiven a Wuelbefannen

Äre Profil :

• Unerkannten Diplom als Éducateur gradué oder Infirmier psychiatrique, inklusiv den erfuerderlechen Autorisatioune bzw. Formatiounen

• Flexibilitéit fir Dag- a Nuetsschichten

• Teamgeescht an Interessi u multidisziplinärer Zesummenaarbecht

• Strukturéiert, reflektéiert a verantwortungsbewosst Aarbechtsweis

• Ressource-, léisungs- a systemesch orientéiert Approche

• Führerschäin B

• Gutt Kenntnisser am Lëtzebuergeschen, Franséischen an Däitschen; all weider Sprooch ass e Virdeel

Konditiounen

• CDI 75 %

• Remuneratioun laut CCT-SAS (C6/C5)

• Bestoend extra-legal Virdeeler

Dir wëllt Iech an enger Organisatioun weiderentwéckelen, déi geziilt an d'Qualitéit vun hire Praktiken an an d'Entwécklung vun hire Mataarbechter investéiert?

Da freeë mir eis op Är Kandidatur!

Luet w.e.g. follgend Dokumenter iwwer eise Formulaire erop:

• Motivatiounsbréif

• Liewenslaf mat Foto

• Kopie vum Diplom

• Autorisation d'exercer (wann zoutreffend)

Am Fall vun engem Recrutement, gidd dir d'Casiers judiciaires n°3, n°4 a n°5 gefroot.